Lá tinkónen
i voronwa tanna –
Nán parmarissen tekina.
I tienna kalya nauvar kalma
Quettar yar quesse etékie.
Ingolëo ando ná parma,
I mahte umbarello resta,
Angaina voronwie anta
Rembina yan quítungwesse.
Valinorello sule ná sarme,
Yan marir ar’ rúkima Formen,
I harmo ná úvëa arwa –
Nisima Yárellor hwesta.
Quettar yar quete i anto
Ve linwi yar sarme ampánen
Atya ná uswe ankallor,
Ar unque úva te mante.
Númello sarmesse nólme
Ya valda, úsintala malta,
Ya ná alasse i noldon
Himya i nóri mi nwalme.
Sarme i kolar mi óre,
Ar quettar yar equer men Valar
Ar annar yar anta men saile,
Vanye ve vilya men harya.
Ranyar i ranya mi Romen
Var ardassen hayasse háya,
Tekuva i lambion ómar
Ar ma tasse lussar i aldar.
Voro i silme politas larte
Ve míresse silme nuquerna
Tenkelesse engwion essi ve áre
Ve fírima áre nuquerna ar tyelka.
I fóli muine vorir mi Hyarmen,
Ar hwesta sindarinwa nórello
Hayain nauva nisima yanta,
Yan úre minya lauta óri.
|